Shavkat Mirziyoyev raisligida maktabgacha ta’lim tizimidagi islohotlarga bag‘ishlangan videoselektor o‘tkazilmoqda

O‘zbekiston Prezidenti Shavkat Mirziyoyev raisligida maktabgacha ta’lim tizimida amalga oshirilayotgan islohotlarni tahlil qilish va istiqboldagi vazifalarni belgilab olishga bag‘ishlangan videoselektor yig‘ilishi o‘tkazilmoqda, deya xabar bermoqda O‘zA.

O‘zAning yozishicha, maktabgacha tarbiya ta’lim tizimining ilk bo‘g‘ini hisoblanadi. “Sog‘lom genofondni, yetuk kadrlarni tarbiyalash, avvalo, shu tizimdan boshlanadi”, — deb yozadi agentlik.

Biroq, O‘zAning qayd etishicha, shu paytgacha bu tizim rivojlanishdan ortda qolgan edi.

Ma’lumotlarga ko‘ra, oxirgi 20 yil davomida davlat tasarrufidagi maktabgacha ta’lim muassasalari soni 45 foizga kamaygan. “Oqibatda maktabgacha yoshdagi bolalarning 33 foizi bog‘chalarga qamrab olingan, xolos”, — deya qo‘shimcha qiladi agentlik.