Dunyoda muhojirlar soni 2000-yildan beri salkam 50 foizga oshdi

Dunyoda 285 million kishi muhojir hisoblanadi, ularning soni 2000-yildan beri 49 foizga oshdi. Bu haqda BMT iqtisodiy va ijtimoiy masalalar bo‘yicha departamenti hisobotida ma’lum qilindi, deb xabar beradi “Interfaks”.

Hisobotga ko‘ra, dunyoda xalqaro muhojir bo‘lganlar soni 2000-yildagi 2,8 foizdan 2017-yilda 3,4 foizgacha ko‘paygan. Yuqori daromadga ega mamlakatlarda istiqomat qiluvchi muhojirlar foizi shu vaqt mobaynida 9,6 dan 14 foizgacha oshgan.

Eng ko‘p muhojir — 49,8 million kishi yoki barcha muhojirlarning 19 foizi AQShda istiqomat qiladi. Saudiya Arabistoni, Germaniya va Rossiyada yashovchi muhojirlar soni har birida o‘rtacha 12 million, Buyuk Britaniyada esa 9 million kishini tashkil etmoqda.