Buxoroda harbiy xizmatchilar uchun ikki ko‘p qavatli uy foydalanishga topshirildi

Buxoro shahrida harbiy xizmatchilar uchun har biri 18 xonadonga mo‘ljallangan ikki ko‘p qavatli uy foydalanishga topshirildi. Bu haqda O‘zA xabar bermoqda.

“Yangi yil arafasida ikki xonali zamonaviy uyga ko‘chib o‘tganimizdan juda xursandmiz. Bu oilamiz uchun ajoyib bayram sovg‘asi bo‘ldi. Uy narxining 25 foizi boshlang‘ich badal sifatida davlat tomonidan to‘lab berildi. Qolgani uchun bank tomonidan berilgan ipoteka kreditini 10 yil davomida to‘lab boramiz”, — deydi mayor Bekmurod Atakov.

Ikkita ko‘p qavatli uy o‘rtasida attraksionlar o‘rnatilgan bolalar o‘yin maydonchasi barpo etildi.