Ramzan Qodirov Iroqda rossiyalik ayollar va bolalarning yangi guruhi aniqlanganini ma’lum qildi

Iroq hududidagi lagerlardan birida rossiyalik ayollar va bolalarning yangi guruhi aniqlandi. Bu haqda Checheniston rahbari Ramzan Qodirov ma’lum qildi, deb xabar beradi “TASS”.

Qodirovga ko‘ra, guruh 13 ayol va 28 nafar boladan iborat.

Ulardan atigi bir nafari Chechenistondan bo‘lib, aksariyati dog‘istonlik. Shuningdek, ro‘yxatda Moskva va Bryansk viloyatidan kelganlar ham bor.

Hozirda ayollar va bolalarni Rossiyaga qaytarish uchun huquqiy va tashkiliy masalalar hal etilmoqda.