Tuman tufayli yopilgan Toshkent xalqaro aeroporti odatiy tartibda ishlay boshladi

20-dekabr kuni ertalab noqulay ob-havo sharoitlari tufayli yopilgan Islom Karimov nomidagi Toshkent xalqaro aeroporti odatiy tartibda ishlay boshladi, deb xabar beradi UZ24.

Milliy aviakompaniya saytida ma’lum qilinishicha, tuman oqibatida zaxira aerodromlariga yuborilgan barcha qatnovlar belgilangan manzillariga borib qo‘ndi.

Qatnovlar kechiktirilgan vaqtda aviayo‘lovchilarga bunday vaziyatlarda ko‘zda tutilgan xizmatlar ko‘rsatildi.