Filippin qirg‘oqlarida bortida 251 kishi bo‘lgan kema cho‘kib ketdi

Bortida 251 kishi bo‘lgan kema 21-dekabr, payshanba kuni Filippin qirg‘oqlarida cho‘kib ketdi. Bu haqda Manila Bulletin’ga tayanib, “TASS” xabar berdi.

Nashrning ta’kidlashicha, Mercraft 3 kemasi haqidagi noxush xabarni birinchi bo‘lib Filippinning Keson provinsiyasi sohil xavfsizligi xizmati tomonidan soat 8:00 da ma’lum qilingan.

“Olingan dastlabki ma’lumotlarga ko‘ra, kema maksimal 286 kishini tashish oladi, xabarga ko‘ra uning bortida 251 kishi bo‘lgan”, — deya nashr sohil xavfsizligi xizmati vakilining so‘zlarini keltiradi.

Hozirda noxush hodisaga nima sabab bo‘lgani aniqlanmoqda. Kema cho‘kib ketgan hududda qidiruv-qutqaruv ishlari olib borilmoqda.