Ibrohim Ergashev O‘simliklar karantinini nazorat qilish davlat inspeksiyasiga rahbar etib tayinlandi

Ibrohim Ergashev Vazirlar Mahkamasi huzuridagi O‘simliklar karantinini nazorat qilish davlat inspeksiyasiga rahbar etib tayinlandi, deb xabar berdi O‘zA.

Shu paytgacha bu lavozimda Alisher Sodiqov faoliyat yuritayotgan edi.

Ibrohim Ergashev bungacha “O‘zekspomarkaz” Milliy ko‘rgazmalar majmui boshqaruvi raisi sifatida faoliyat yuritgan. 2014—2016-yillarda O‘zbekiston Tashqi iqtisodiy aloqalar, investitsiya va savdo vazirining birinchi o‘rinbosari lavozimida ishlagan.

Vazirlar Mahkamasi huzuridagi O‘simliklar karantinini nazorat qilish Davlat inspeksiyasi O‘zbekiston Prezidentining 2017-yil 30-avgustdagi farmoni bilan tashkil etilgan.