Toshkent shahrida 20-dekabr kuni 4 mingdan ortiq yo‘l harakati qoidalari buzilishi qayd etildi

Toshkent shahar YHXB xodimlari tomonidan joriy yil 20-dekabr kuni “Tozalash-Antiterror” tadbiri doirasida yo‘l-transport hodisalarining oldini olish borasida o‘tkazilgan ishlar davomida jami 4076 qoidabuzarlik aniqlandi. Bu haqda IIBB matbuot xizmati xabar bermoqda.

Jumladan, 31 ta mast holatda transport vositasini boshqarish, 26 ta transport vositalarini hujjatsiz boshqarish,64 ta svetoforning taqiqlovchi chirog‘iga rioya qilmaslik, 66 ta harakat davomida uyali telefondan foydalanish, 521 ta odam tashish qoidalarini buzish, 302 ta tezlikni belgilangan me’yoridan oshirish, 5 ta bo‘ysunmaslik, 1398 ta xavfsizlik kamarini taqish qoidalariga bo‘ysunmaslik holati qayd etildi.

Jami 134 ta transport vositasi jarima maydonchasiga qo‘yildi. Hozirda ushbu yo‘nalishda tadbirlar o‘tkazilishi davom ettirilmoqda.