Sankt-Peterburgda mobil messenjerlar orqali narkotik sotgan jinoyatchilar qo‘lga olindi

Sankt-Peterburgda bir necha oy davomida tayyorlangan maxsus operatsiya davomida 3 nafar narkodiler qo‘lga olindi. Bu haqda EADaily xabar bermoqda.

Qo‘lga olinganlarning barchasi 36-38 yoshlardagi mahalliy aholi vakillari bo‘lib, ular narkotiklarni mobil messenjerlar orqali sotgani bildirilmoqda.

Deyarli ikki sutka davom etgan tintuvlar davomida 250 kilogrammdan ortiq narkotiklar va psixotrop moddalar, jumladan, 190 kilogramm amfetamin, 28 kilogramm kokain, 30 kilogrammdan oshiq gashish topildi va musodara etildi.