Avstraliyada quyosh energiyasida harakatlanadigan dunyodagi birinchi poyezdni ishga tushirishdi

Faqat quyosh batareyalarida harakatlanadigan birinchi poyezd 16-dekabr kuni Avstraliyaning Yangi Janubiy Uels shahrida 3 kilometrlik yo‘nalishda qatnovga qo‘yildi, deb yozadi Forbes.

Uni Byron Bay Railroad Company temir yo‘l kompaniyasi ishlab chiqdi — u quyosh energiyasi yo‘lovchilarni tashish uchun to‘g‘ri kelishini ko‘rsatib berish maqsadida 1949-yilgi yo‘lovchi poyezdini qayta jihozladi.

Egiluvchan quyosh panellari vagon tomiga va oraliq to‘xtash joylariga o‘rnatilgan, u yerda poyezd qo‘shimcha quvvat olishi mumkin. Dastlab poyezd ikkita dizel dvigatellarida ishlagan, ammo ulardan biri 77 kVt hajmli akkumulyator va elektr motor bilan almashtirilgan. Ikkinchisini har ehtimolga qarshi qoldirishdi. Poyezd hatto osmonni qalin bulut bosgan sharoitda ham harakatlana oladi.