Moskvada O‘rta osiyolik to‘rt muhojir ekstremizmda ayblanib hibsga olindi

Moskva shimolida to‘rt nafar muhojir ekstremistik faoliyatda gumonlanib ushlandi. Bu haqda “Interfaks” xabar bermoqda.

Aytilishicha, 22-dekabr kuni maxsus xizmatlar xodimlari Moskvaning Lianozovo tumanidagi kvartirada O‘rta Osiyo vakillari bo‘lgan to‘rt muhojirni ushladi.

Ta’kidlanishicha, kvartirada o‘tkazilgan tintuv chog‘ida portlovchi uskuna komponentlari, tashkiliy texnika, adabiyotlar topilgan.

Muhojirlarning ikki nafari mahalliy davlat idorasida farroshlik bilan shug‘ullangan.

Muhojirlar O‘rta Osiyoning qaysi respublikalari vakillari ekanligi hozircha noma’lum.