Avstriyada ikki poyezd to‘qnashdi. Bir necha kishi halok bo‘ldi 

Avstriyadagi Kritsendorf qishlog‘i yaqinida ikki poyezd to‘qnashdi. Bu haqda “Gazeta.ru” xabar bermoqda.

Quyi Avstriya yeri o‘t o‘chirish qismiga ko‘ra, to‘qnashuvda bir necha kishi halok bo‘ldi, 20 ga yaqin kishi jarohatlandi.

Poyezdlar to‘qnashuvida yo‘lovchilar bo‘lgan ikki vagon ag‘darilib ketdi. Hozirda hodisa joyida ikki qutqaruv vertolyoti, o‘t o‘chirish va tibbiy brigadalar ishlamoqda.