Ilon Mask Marsga parvoz qiladigan elektromobilning suratini namoyish etdi

Tesla Roadster elektromobili Marsga uchadigan raketa ichidan o‘rin oladi, u og‘irlik simulyatori vazifasini bajaradi. Bu haqda 22-dekabr kuni SpaceX va Tesla rahbari o‘zining Instagram’dagi sahifasida ma’lum qildi, deb xabar berdi “Korrespondent.net”.

“Yangi raketalarning sinov parvozlarida ularning ichidan og‘irlik simulyatori sifatida beton yoki po‘lat bloklar o‘rin oladi. Bu esa juda zerikarlidek, nazarimda. Shu sababli biz noodatiy narsani uchirishga qaror qildik”, — deb yozadi Ilon Mask.

Maskning aytishicha, Tesla Roadster elektromobili foydali yuk bo‘lib xizmat qiladi, shuningdek, yanada qiziqarli bo‘lishi uchun mashinada britaniyalik taniqli musiqachi Devid Bouining Space Oddity musiqchasi yangraydi.