Kanadaning Kvebek provinsiyasida noma’lum shaxs Lotto Max lotereyasida 47 mln dollar yutdi

Kvebek provinsiyasida yashovchi hozircha ismi-sharifi noma’lum shaxs Lotto Max milliy lotereyasida 60 million Kanada dollari (47 million AQSh dollari) yutib oldi. Bu haqda “TASS” xabar bermoqda.

Mazkur provinsiyaning qaysi shahrida baxtli chipta sotilgani aniq emas. Kanada lotereyalari qoidalariga ko‘ra, pulni qo‘lga kiritish uchun tashkilotchilarga yutuq chiqqan chiptani taqdim etish, g‘olibning ismi-sharifi esa jamoatchilikka ma’lum qilinishi shart.

Shuningdek, Rojdestvo arafasidagi tirajga har biri 1 million Kanada dollari (780 ming AQSh dollari) miqdoridagi 32 ta yutuq qo‘yildi va ulardan yarmi o‘ynaldi.