25 yillik qamoq jazosiga hukm qilingan Peru sobiq prezidenti kasalxonaga yotqizildi

Korrupsiya va inson huquqlari buzilishida aybdor deb topilib, 25 yillik qamoq jazosiga hukm qilingan Peru sobiq prezidenti Alberto Fuximori kasalxonaga yotqizildi. Bu haqda “Kommersant.ru” xabar bermoqda.

Bu jazoni o‘tayotgan siyosatchining birinchi bor kasalxonaga tushishi emas: o‘tgan yili u oshqozonosti bezi og‘rig‘i va serebral ishemiya tufayli ikki bor shifokorlarga murojaat qilishga majbur bo‘lgandi.

Peruni 1990—2000-yillarda boshqargan Fuximori prezidentlik vakolatini zimmasidan soqit qilganidan 9 yil o‘tib jazoga tortilgandi.