Osiyo Chempionatiga 17 kun qolganida O‘zbekiston termasi “Nasaf” postiga yana 3 ta gol urdi
23 yoshgacha bo‘lgan futbolchilar o‘rtasidagi Osiyo Chempionatiga tayyorgarlik ko‘rayotgan O‘zbekiston termasi Qarshidagi yig‘inni yakunladi.
Ravshan Haydarov boshqaruvidagi jamoa mamlakat vitse-chempioni bo‘lgan hamda Chempionlar Ligasining pley-off o‘yiniga tayyorgarlik ko‘rayotgan “Nasaf”ga qarshi ikki o‘rtoqlik o‘yinida maydonga tushdi. Birinchi bellashuv termaning 3:0 hisobidagi g‘alabasi bilan yakuniga yetgandi.
Takroriy o‘yinda ham legionerlarsiz harakat qilgan Ro‘ziqul Berdiyev boshqaruvidagi “Nasaf” imkoniyatni boy berdi. Farqi, bu safar 2 ta gol urishga erishdi — 2:3. “Bunyodkor” a’zosi Doston Hamdamov bu safar ham qarshiliklar darvozasiga yo‘l topdi.
Xitoy mezbonligidagi Osiyo Chempionati 9-yanvar kuni start oladi. O‘zbekiston musobaqaning “A” guruhida Xitoy, Qatar va Ummon termalariga qarshi kurash olib boradi. Jamoa safarga 5-yanvar kuni jo‘nab ketadi.
O‘rtoqlik o‘yini
Qarshi shahri
23-dekabr, shanba
Gollar: Doston Hamdamov, 19 (0:1). Dilshod Shuhratov, 39 (1:1). Islom Qobilov, 57 (1:2). Jasur Yaxshiboyev, 60 (1:3). Islom Kenjaboyev, 74 (2:3).