Agalarov Cup—2017. O‘zbekiston yosh bokschilari bilan 12 mamlakat orasida ikkinchi bo‘ldi. Qozog‘iston esa beshinchi

Ozarbayjon mezbonligida o‘tgan boks bo‘yicha yoshlar o‘rtasidagi Agalarov Cup—2017 turniri o‘z yakuniga yetdi. O‘zbekiston boks federatsiyasining “Daryo”ga ma’lum qilishicha, 12 ta mamlakat bokschilari ishtirok etgan turnirda o‘zbekistonlik sportchilar umumjamoa hisobda ikkinchi bo‘lgan.

Faqatgina uch sportchi medallar uchun kurasha olmagan. Shu tariqa O‘zbekiston yoshlar terma jamoasi mezbon Ozarbayjondan keyin ikkinchi bo‘lgan. Kuchli uchlikni ukrainalik charm qo‘lqop ustalari yakunlab berdi. Rossiya — 4, Qozog‘iston termasi esa 5-o‘rin bilan kifoyalandi.