O‘zbekistonga noqonuniy ravishda kiyim-kechak olib kirishga uringan qirg‘izistonlik ayol qo‘lga olindi

Aydarken chegara otryadi Qirg‘izistonning Botken tumani Arpasoy hududida qirg‘iz—o‘zbek chegarasidan tovarlarni noqonuniy ravishda olib o‘tishga uringan qonunbuzarlik holatini aniqladi. Bu haqda Qirg‘iziston davlat chegara xizmatining ma’lumotlariga tayanib, K-News xabar berdi.

Idoraning ma’lumotlariga ko‘ra, qirg‘izistonlik ayol O‘zbekistonga noqonuniy ravishda qiymati 30 ming qirg‘iz so‘miga (3,5 million o‘zbek so‘mi) teng bo‘lgan kiyim-kechaklarni olib o‘tishga uringan. Qo‘lga olingan ayolning tovarlarga tegishli hech qanday hujjati bo‘lmagan.

“Qirg‘iziston fuqarosi bojxona rejimini buzganligi uchun 3 ming qirg‘iz so‘mi miqdorida jarimaga tortildi. Tegishli hujjatlar rasmiylashtirilgach, qo‘lga olinga ayol va kontrabanda mahsulotlari mamlakatning hududiy davlat chegara xizmati bo‘linmasiga topshirildi”, — deyiladi xabarda.