2017-yilda O‘zbekistondagi 1000 ta mahallada birorta ham jinoyat sodir etilmadi

2017-yilning yanvar-noyabr oylarida o‘tgan yilning shu davriga nisbatan jinoyat sodir etish holatlari qariyb 11 ming 278 taga yoki 14,64 foizga, jinoyat qidiruv yo‘nalishidagi jinoyatlar esa 5 ming 722 taga yoki 12,34 foizga kamaygan. Bu haqda O‘zbekiston Respublikasi ichki ishlar vaziri, general-mayor Po‘lat Bobojonov O‘zAga bergan intervyusida ma’lum qildi.

Xabarda qayd etilishicha, ayollar jinoyatchiligi qariyb 20 foizga, voyaga yetmagan shaxslar tomonidan sodir etilgan jinoyatlar 11 foizga, jinoyat sodir etgan akademik litsey va kollej o‘quvchilari soni esa 21 foizga kamaygan.

“Mahallalarda jinoyatchilik va huquqbuzarliklarning oldini olish bo‘yicha jamoatchilik institutlari bilan birgalikda olib borilgan keng qamrovli profilaktik tadbirlar natijasida 1 ming 79 mahallada bitta ham jinoyat sodir etilishiga yo‘l qo‘yilmadi”, — deyiladi xabarda.