Brent nefti bahosi 2015-yil may oyidan beri birinchi bor 67 dollardan oshdi

Kelgusi yil yanvarda yetkazib beriladigan Brent turidagi neftning bir barreli narxi 2015-yil may oyidan beri birinchi bor 67 dollardan oshdi. Bu haqda “Kommersant” xabar bermoqda.

26-dekabr, seshanba kungi savdolarda Brent’ning bir barreli uchun 67,08 dollar taklif etildi. WTI turidagi neft bahosi esa 59,99 dollarni tashkil etdi.

O‘zgarishlar Liviyada Al-Waha kompaniyasiga tegishli neft quvurida portlash yuz bergani haqidagi xabarlar fonida yuz berdi.