Foto: Harbiy festival Andijon shahriga ham yetib bordi

Andijonda “Milliy armiyamiz — yoshlarning mardlik, matonat va jasorat maktabidir” shiori ostida “Mening armiyam — mening tayanchim” deb nomlangan armiya va yoshlar festivali bo‘lib o‘tdi. Bu haqda O‘zA xabar bermoqda.

Yoshlarni harbiy-vatanparvarlik ruhida tarbiyalash, ularning qalbida milliy armiyaga hurmat, tinch va osoyishta hayotga shukronalik tuyg‘ularini mustahkamlash, harbiy kasbga qiziqishini oshirish maqsadida tashkil etilgan tadbirda mudofaa va ichki ishlar tizimidagi harbiy qismlar askar va zobitlari hamda sportchilarning chiqishlari, harbiy texnika, jangovar qurollar namoyishi yoshlarda katta taassurot qoldirdi.