Erdo‘g‘on nega Suriyada Asad bilan hamkorlik qilib bo‘lmasligini aytdi

Suriya prezidenti Bashar Asad bilan hamkorlik qilib bo‘lmaydi. Bu haqda Turkiya prezidenti Rajab Toyyib Erdo‘g‘on Tunisga tashrifi davomida ma’lum qildi, deb xabar beradi EADaily.

“Asad bilan Suriyada hamkorlik qilish mumkin emas. Nega deysizmi? Chunki o‘zining millionga yaqin fuqarosini o‘ldirgan kishi bilan hamkorlik qilish mumkin emas”, — dedi Erdo‘g‘on.

Shu bilan birga, noyabr oxirida Turkiya prezidenti Anqaraning Damashq bilan munosabatlari yo‘qligi, biroq ehtimoliy siyosiy aloqalar uchun ochiq qolishini bildirgandi.