Ramzan Qodirovning familiyadosh yordamchisi Moskvada o‘marib ketildi

Checheniston rahbari Ramzan Qodirovning yordamchisi Moskvada unga nisbatan o‘g‘rilik sodir etilgani haqida politsiyaga murojaat qildi. Bu haqda “MK.ru” xabar berdi.

Hasayn Qodirovning politsiyaga ma’lum qilishicha, 26-dekabr kuni kechki payt noma’lum shaxs Mercedes avtomobilining oynasini sindirib, uning ichidan puli bor sumka, iPhone 6 va iPad’ni olib ketgan. Moddiy zararning umumiy qiymati 600 ming rublni (10400 dollar) tashkil qilgan.