Obama oldingi ishi va unga ko‘mak bergan jamoani qo‘msayotganini tan oldi

AQSh sobiq prezidenti Barak Obama oldingi ishi va unga Oq uyda ko‘mak bergan mutaxassislar jamoasini qo‘msayotganini tan oldi.Uning Britaniya shahzodasi Garri bilan suhbatidan parchalar King5.com saytida keltirildi.

“Menga ishdagi shiddat ham yetishmayapti. Har kuni turli masalalarni hal etib, odamlar uchun nimadir qilishingni bilarding”, — dedi sobiq davlat rahbari.

Obama, shuningdek, Oq uyni tark etganidan so‘ng xotirjam uxlashi va “kunini to‘liq rejalashtirishi” mumkinligini bildirdi. Lavozimidan ketganidan keyin hayoti keskin o‘zgargani, biroq muhim masalalar haqida o‘ylashda davom etayotganini ta’kidladi.