Liberiya prezidenti saylovida “Oltin to‘p” sohibi Jorj Vea g‘alaba qozondi

Liberiya prezidenti saylovining ikkinchi bosqichida sobiq futbolchi, “Oltin to‘p” mukofotiga sazovor bo‘lgan yagona afrikalik Jorj Vea g‘alaba qozondi. Bu haqda Meduza xabar bermoqda.

Milliy saylov komissiyasiga ko‘ra, ovozlarning 98 foizi hisoblab chiqilganidan so‘ng Vea 61,5 foiz ovoz bilan yetakchilik qilmoqda. Liberiya vitse-prezidenti Jozef Bokay 38,5 foiz ovoz to‘pladi.

Ovoz berishning yakuniy natijalari 29-dekabr kuni e’lon qilinadi.

Jorj Vea Liberiya rahbari lavozimida 2005-yili mamlakatning birinchi ayol-prezidenti bo‘lgan 79 yoshli Ellen Jonson-Serlifni almashtiradi.