O‘zbekiston va Qirg‘iziston temir yo‘llar orqali tashilayotgan yuklarga 30 foizgacha chegirmalar berish bo‘yicha kelishuvga erishdi

O‘zbekiston va Qirg‘iziston temir yo‘l kompaniyalari temir yo‘llar orqali tashilayotgan tovarlar uchun alohida chegirmalar joriy etish bo‘yicha kelishuvga erishdi. Bu haqda “Qirg‘iz temir yo‘llari” milliy kompaniyasi rasmiy veb-saytida xabar berildi, deb ma’lum qildi O‘zA.

Xabarda temir yo‘llar orqali tashilayotgan yuklarga 30 foizgacha chegirmalar berilishi aytilmoqda.

“O‘zbekiston temir yo‘llari” aksiyadorlik jamiyati “Qirg‘iz temir yo‘llari” milliy kompaniyasi teplovoz va yuk vagonlarini imtiyozli ta’mirlash, ehtiyot qismlarini yetkazib berishga xayrixohlik bildirgan.

Ikki davlat temir yo‘l kompaniyalari o‘rtasida o‘tkazilgan muzokaralar chog‘ida, shuningdek, yo‘lovchi tashuvchi poyezdlar qatnovini muvaffaqiyatli amalga oshirish yuzasidan ham istiqbolli rejalar belgilab olingan.