Pekin metrosida Xitoyda ishlab chiqarilgan ilk mashinistsiz poyezdlar harakatlana boshladi
Pekin metrosining to‘liq avtomatlashtirilgan, mashinistsiz poyezdlar harakatlanadigan birinchi yo‘nalishi 30-dekabr, shanba kuni rasman foydalanishga topshirildi. Bu haqda “RIA Novosti” xabar bermoqda.
Umumiy uzunligi 14,4 kilometr bo‘lgan “Yanfan” tarmog‘i Pekin yaqinidagi Yanshan shahrini poytaxtning Fanshan tumani bilan bog‘laydi. Bu yerda yo‘lovchilar shahar markaziga eltadigan yo‘nalishga o‘tishi mumkin. Yangi tarmoq jami 9 ta bekatdan iborat.
Beijing is testing its new maglev train. This newly launched train is going to connected far western part of Beijing to the city center. pic.twitter.com/rNPvigN9dQ
— nick2shy (@waltzwithmiho) December 30, 2017
Poyezdlar soatiga 80 kilometr tezlikka chiqishi mumkin. Ularda favqulodda holatlar yuzaga kelishini inobatga olib, hozircha mashinistlar bo‘lishi ko‘zda tutilgan.
To‘liq avtomatlashtirilgan poyezdlar Xitoy uchun yangilik emas. Biroq yangi tarmoqqa qo‘yilgan poyezdlarning bari Xitoyning o‘zida ishlab chiqarilgani bilan e’tiborga molik.