Yoshlar ittifoqi Nukus shahar va tuman kengashlariga xizmat mashinalari topshirildi

Nukus shahrida O‘zbekiston yoshlar ittifoqi Nukus shahar va tuman kengashlarining sakkiztasiga xizmat avtomobillari berildi. Bu haqda “Kruz.uz” xabar bermoqda.

Xizmat mashinalari O‘zbekiston Prezidentining 5-iyul kungi PQ-5106-sonli farmonining ijrosini ta’minlash, Yoshlar ittifoqi faoliyatini qo‘llab-quvvatlash maqsadida Qoraqalpog‘iston Respublikasi Vazirlar Kengashining 25-avgustdagi 207 b-sonli farmoyishi asosida berildi.

Marosimda Vazirlar Kengashi raisi Q. Sariyev, Jo‘qorg‘i Kengesi raisi o‘rinbosari O. Xamrayev, Vazirlar Kengashi raisi o‘rinbosari M. Jumanov, O‘zbekiston kasaba uyushmalari federatsiyasining Qoraqalpog‘iston kasaba uyushmalari tashkilotlari birlashmasi Kengashi raisi U. Jalmenov, “Nuroniy” fondi Qoraqalpog‘iston bo‘limi kengashi raisi Sh. Usnatdinov, O‘zbekiston yoshlar ittifoqi Qoraqalpog‘iston Respublikasi kengashi raisi A. Daniyarov so‘zga chiqdi.