Putin terrorizm haqidagi soxta xabarlar uchun jazoni kuchaytirdi

Rossiya prezidenti Vladimir Putin mamlakat Jinoyat kodeksiga tuzatishlar kiritish haqidagi qonunni imzoladi. Bu haqda “Kommersant.ru” xabar bermoqda.

Mazkur tuzatishlarga ko‘ra, terakt haqidagi soxta xabar uchun maksimal jazo avvalgi 5 yildan 10 yilgacha qamoq tariqasida kuchaytirildi.

Endi hokimiyat organlari faoliyatini beqarorlashtirishga urinish 6 yildan 8 yilgacha qamoq bilan jazolanadi. Agar jinoyatchilar harakati o‘lim yoki boshqa og‘ir oqibatlarga olib kelsa, 8 yildan 10 yilgacha qamoq jazosigacha tortilishi mumkin.

Eslatib o‘tamiz, portlash tahdidi bildirilgan anonim qo‘ng‘iroqlar butun Rossiya bo‘ylab avj oldi. Ulardan hech biri tasdiqlanmadi.