Polsha Yaqin Sharq va Shimoliy Afrikadan kelgan muhojirlarni qabul qilishdan bosh tortdi

Polsha rasmiylari mamlakat hududida Yaqin Sharq va Shimoliy Afrikadan kelgan muhojirlarni boshqa qabul qilmasligini bildirdi. Bu haqda “MK.ru” xabar bermoqda.

Bosh vazir Mateush Moravetskiy mamlakat mazkur mintaqalar fuqarolari uchun chegaralarini yopishi va Polshaga ukrainalik muhojirlar ham yetarli bo‘lib turganini bildirdi.

“Polsha Yaqin Sharq va Shimoliy Afrikadan kelgan muhojirlarni qabul qilmaydi. Bu bizning suveren qarorimiz. Mamlakatimiz o‘z hududida ukrainalik muhojirlarni qabul qilib, Yevroittifoq sharqiy chegaralaridagi keskinlikni yumshatayotgani ham yetarli. Biz bu davlatdan bir necha o‘n, balki yuz minglab qochoqni qabul qildik”, — dedi Moravetskiy.