Bashar Asad Suriyaning yangi mudofaa vazirini tayinladi

Suriya prezidenti Bashar Asad hukumat va kuch tizimlarida bir qator o‘zgarishlarni amalga oshirdi. Bu haqda “Kommersant.ru” xabar bermoqda.

Jumladan, oldin Suriya armiyasi bosh shtabini boshqargan general Abdulla Ayub mamlakat mudofaa vaziri etib tayinlandi. Muhammad Ali Yusuf sanoat, Imad Abdulla Sora axborot vaziri lavozimini egalladi.

SANA agentligi mazkur tayinlovlar Bashar Asadning yangi yildagi ilk farmoni ekanligini bildirdi.