Tramp: Qo‘shma Shtatlar Erondagi norozilik namoyishlarini kuzatishda davom etmoqda

Qo‘shma Shtatlar Erondagi norozilik namoyishlarini diqqat bilan kuzatmoqda. Bu haqda AQSh prezidenti Donald Tramp ma’lum qildi, deb xabar beradi “RIA Novosti”.

“Eron xalqi nihoyat shafqatsiz va korrupsiyalashgan tuzumga qarshi chiqmoqda. Obama aqlsizlarcha ularga bergan barcha pullar terrorizmni qo‘llab-quvvatlash uchun ishlatilgan va cho‘ntaklariga tushgandi. Odamlar haq-huquqsiz, yeguligi kam, inflyatsiya darajasi yuqori. AQSh bularning barchasini kuzatib turibdi!” — deb yozdi Tramp Twitter’dagi sahifasida.

Oldinroq Oq Uy rahbari Eronda o‘zgarishlar vaqti kelganini bildirgandi.