Hindiston Rossiyadan 240 ta aviabomba sotib oladi

Hindiston mudofaa vaziri Nirmala Sitxaraman Rossiyadan mamlakat harbiy-havo kuchlari uchun aviabombalar sotib olish haqidagi taklifni ma’qulladi. Bu haqda vazirlik bayonotida ma’lum qilindi, deya xabar beradi  “RIA Novosti”.

Taklif “Rosoboroneksport” kompaniyasidan jami summasi 12 milliard rupiyaga teng (196 million dollar) 240 ta aviabomba xarid qilishga taalluqli.

Yuqori aniqlikdagi qurol-aslaha toifasiga kiruvchi mazkur bombalar Hindiston harbiy-havo kuchlarida foydalanib kelinmoqda. Ushbu kelishuv ularning yetishmovchiligini to‘ldirish va harbiy-havo kuchlari hujumkorligini oshirishga qaratilgan.