Peruda avtobus okean qirg‘og‘iga quladi. Kamida 48 kishi halok bo‘ldi

Peruning Panamerika shossesida, Pasamayo hududida avtobus qulashi oqibatida kamida 48 kishi halok bo‘ldi. Bu haqda mahalliy politsiya ma’lum qildi, deya xabar beradi “TASS”.

55 nafar yo‘lovchisi bo‘lgan avtobus 100 metr balandlikdan okean qirg‘og‘iga quladi.

Rasmiylar fojia tafsilotlarini o‘rganmoqda. Taxminlardan biriga ko‘ra, bunga boshqa avtomobil bilan to‘qnashuv sabab bo‘lishi mumkin.

Hodisa joyida suv ko‘tarilgani sababli qutqaruvchilar ishlashga qiynalayotgani bildirilmoqda.