Moskva viloyatida pantera erkakni g‘ajib tashladi

Rossiyaning Moskva viloyatida tergovchilar pantera hujumi oqibatida halok bo‘lgan erkakning o‘limi tafsilotlarini o‘rganmoqda. Bu haqda “Interfaks” xabar berdi.

2018-yilning 2-yanvarida Istra shahri politsiyasiga yovvoyi hayvonlar saqlanadigan volyerlardan birida badanida jarohatlari bo‘lgan erkakning jasadi topilgani haqida xabar kelib tushgan. Dastlabki taxminlarga ko‘ra, erkak hayvonlarni ovqatlantirmoqchi bo‘lgan, biroq volyerga kirganida unga pantera tashlangan.

Ayni paytda sud-tibbiy ekspertiza belgilangan bo‘lib, hodisa holatlari o‘rganilmoqda.