Luksorda havo sharining qulashi oqibatida sayyoh halok bo‘ldi

Misrning Luksor shahrida havo sharining qulashi oqibatida bir nafar sayyoh halok bo‘ldi, 15 kishi esa jarohat oldi. Bu haqda “Interfaks” xabar berdi.

Yomon ob-havo sababli shar odatiy rejimda qo‘na olmagan. Havo shariga egalik qiluvchi kompaniya tekshiruvdan o‘tgan va parvozga ruxsat olgan edi. Luksorda jami sakkizta kompaniya havo sharlarida sayyohlar uchun parvozlar tashkil qiladi. Har kuni 12 tadan 18 tagacha sayohat amalga oshiriladi.

Luksorda 2013-yilda yuz bergan havo sharining halokati oqibatida 19 nafar osiyolik sayyoh halok bo‘lgan. Shundan so‘ng bir necha oy davomida havo sharlaridagi sayohatlar cheklangan. So‘nggi vaqtlarda esa bunday sayohatlar yana qayta boshlangan.