Rossiyada Lada’ning benzin tashuvchi mashina bilan to‘qnashuvi oqibatida besh kishi halok bo‘ldi

Rossiyaning Nijniy Novgorod viloyatida MAN benzin tashuvchi yuk mashinasi bilan to‘qnashib ketgan VAZ-2114 avtomobili haydovchisi va uning to‘rt yo‘lovchisi halok bo‘ldi. Bu haqda Meduza xabar bermoqda.

“Interfaks”ning mahalliy Yo‘l harakati xavfsizligi bosh inspeksiyasiga asoslanib xabar berishicha, hodisa 6-yanvar kuni Toshkent vaqti bilan 10:00 atrofida yuz bergan.

Yo‘l-transport hodisasi “Nijniy Novgorod — Saratov” yo‘lining 211-kilometrida yuz bergan. Qayd etishlaricha, halok bo‘lganlarning bari Nijniy Novgorod viloyatida istiqomat qiluvchilar bo‘lgan.

Avariya qanday yuz bergani haqida batafsil axborot hozircha yo‘q.