Afg‘onistonda “Tolibon” jangarilari 20 kishini o‘g‘irlab ketdi

Afg‘onistonning Farah viloyatida “Tolibon” harakati jangarilari 20 kishini o‘g‘irlab ketdi. Bu haqda, mahalliy Ariana News telekanaliga asoslanib, “Gazeta.ru” xabar bermoqda.

Viloyat kengashi a’zosining ma’lum qilishicha, jangarilar katta yo‘lda bir necha avtomobilni to‘xtatib, ularning yo‘lovchilarini qo‘lga olgan va noma’lum yo‘nalish bo‘ylab olib ketgan.

Avvalroq Afg‘onistonda “Tolibon” jangarilarining hujumi oqibatida 14 nafar politsiyachi halok bo‘lgani haqida xabarlar paydo bo‘lgan edi.

Ma’lumot uchun, “Tolibon” — faoliyati jahonning aksariyat mamlakatlarida taqiqlangan terrorchilik harakatidir.