Nokia 6 (2018) smartfoni rasman taqdim etildi

Nokia kompaniyasi Nokia 6 smartfonining 2018-yilgi talqinini rasman taqdim etdi. Bu haqda “Hi-tech Mail.ru” xabar berdi.

Yangi Nokia 6 da ekran ostidagi sensorli tugmalar olib tashlangan, ular dasturli yorliqlar bilan almashtirilgan, barmoq izini oluvchi skaner esa korpusning orqa tomoniga joylashtirilgan. Yangi smartfon ajralib turishi uchun barmoq izini oluvchi skaner va kamera modulining atrofi alohida hoshiya bilan o‘ralgan.

Asosiy kamera 16 megapikselli, old kamera esa 8 megapikselli. Displey 5,5 dyuymli bo‘lib, Full HD yechimga ega. Smartfon Android 7.1.1 Nougat tizimidan foydalanadi, yaqin vaqtda esa uni Android 8.0 Oreo’ga yangilash kutilmoqda.