Kim Chen In ikki Koreya birlashishi uchun munosabatlarni yo‘lga qo‘yishga chaqirdi

KXDR yetakchisi Kim Chen In Shimoliy va Janubiy Koreya kelgusida birlashishi uchun o‘zaro munosabatlarni yo‘lga qo‘yishga chaqirdi. Bu haqda Koreya markaziy telegraf agentligi ma’lum qildi, deb xabar beradi “Gazeta.ru”.

“Shimol va Janub munosabatlarini yaxshilash — Koreya yarim oroli aholisiga birlashish uchun ajoyib imkoniyat. Milliy yarashuv va birlashuv uchun muhit yaratish payti keldi”, — deyiladi bayonotda.

Bayonotda ikki davlat doim o‘tmishga boqib ish ko‘rishdan qochishi zarurligi bildirilgan.

KXDR yetakchisi yuzaga kelgan inqirozni birgalikda, vositachilarsiz hal etishga chaqirdi.