Eron boshlang‘ich sinflarda ingliz tili o‘qitishni taqiqladi

Eron boshlang‘ich maktablarda ingliz tili o‘qitishni taqiqladi, deb yozadi Reuters respublika ta’lim vazirligi mansabdori Mehdi Navid-Adhamga tayanib.

Uning so‘zlariga ko‘ra, mamlakat oliy rahbari Ali Husayni Xomanaiy ingliz tilini o‘rganishni erta boshlash G‘arb “madaniy ekspansiyasi (bosqinchilik)”ga yo‘l ochib berishini aytgan.

“Ingliz tilini hukumat va nohukumat boshlang‘ich maktablarida rasmiy dars jadvali bo‘yicha o‘qitish qonun va tartiblarga ziddir”, — dedi Eron Oliy ta’lim kengashi rahbari Mehdi Navid-Adham.