Janubiy Koreyaning Ab-Road nashri O‘zbekiston haqida kitob chop etdi

Janubiy Koreyaning Ab-Road jurnali O‘zbekiston haqida kitob chop etdi. Bu haqda UzDaily xabar bermoqda.

Qulay formatdagi bejirim nashrda Buxoro, Samarqand, Xiva va Toshkent kabi O‘zbekistonning yirik shaharlaridagi diqqatga sazovor maskanlar, arxitektura, san’at va xarid haqida so‘z yuritiladi.

Kitobda o‘zbek milliy taomlariga bag‘ishlangan bo‘lim ham mavjud bo‘lib, sayyohlarga taomlar retsepti ularning rasmi bilan birgalikda taqdim etiladi.

Xabarda qayd etilishicha, 2017-yilning avgust oyida Janubiy Koreyaning Аb-Road sayyohlik jurnali muxbiri va fotografi uchun turizmni rivojlantirish davlat qo‘mitasi hamda O‘zbekistonning Seuldagi elchixonasi ko‘magida O‘zbekiston shaharlari bo‘ylab sayohat tashkil etilgan edi.