BBC Xitoy byurosi rahbari erkaklar bilan maoshdagi farq tufayli ishdan bo‘shadi

BBC Xitoy byurosi rahbari Kerri Greysi kompaniyada top-menejerlar maoshidagi farqqa nisbatan norozilik sifatida Pekindagi lavozimidan bo‘shadi. Bu haqda “Izvestiya” xabar bermoqda.

Fox News telekanaliga ko‘ra, ayol kompaniyada 30 yil ishlagan.

Yaqinda BBC yuqori bo‘g‘in xodimlari maoshi haqidagi ma’lumotlarni e’lon qildi. Ulardan kompaniyaning 4 nafar xalqaro muharriridan ikkisi (erkaklar) ayol-hamkasblariga qaraganda kamida 50 foiz ko‘p maosh olishi ma’lum bo‘ldi.

Kerri Greysi mehnatga haq to‘lashdagi bu qadar tengsizlik tufayli faoliyatini davom ettirmasligini bildirdi.