Bugun futbol. Osiyo Chempionatining ilk o‘yinida Qatardan mag‘lub bo‘lgan O‘zbekiston, mezbon Xitoy bilan o‘ynaydi

23 yoshgacha bo‘lgan futbolchilar o‘rtasidagi Osiyo Chempionatida ishtirok etayotgan O‘zbekiston terma jamoasi bugun “A” guruhining 2-turida mezbon Xitoyga qarshi maydonga chiqadi.

Ilk turda Xitoy U23 termasi Ummonga qarshi o‘ynab, 3:0 hisobida zafar quchgandi. O‘zbekiston termasi esa Qatar bilan o‘yinda imkoniyatni boy bergan — 0:1.

Ravshan Haydarov boshchilik qilayotgan jamoaning Xitoyga qarshi o‘yini Toshkent vaqti bilan 13:00 da start oladi va Sport-TV tomonidan to‘g‘ridan-to‘g‘ri translyatsiya qilinadi.

Osiyo Chempionati U23

“A” guruhi. 2-tur

12-yanvar, juma

Xitoy — O‘zbekiston 13:00

Ummon — Qatar 16:30