Finlyandiyalik fotosuratchi o‘rmon hayvonlarini professional modellar kabi kadrga muhrlaydi (foto)

Xelsinkida istiqomat qiluvchi fotosuratchi Yoaxim Myunter Finlyandiya o‘rmonlarida hayvonlarni suratga oladi, deb yozadi Travel Ask.

Bir qarashda jonivorlar qanday suratga tushishni biladigan “modellar” kabi ko‘rinadi. Qiziquvchan tulkidan tortib, ochko‘z olmaxongacha — barcha “modellar” obyektiv qarshisida o‘zini tamoman qulay his qiladi.

“Yovvoyi tabiatni tasvirga olishda asosiysi — hayvonlar ishonchiga erishish. Jonivorni ta’qib qilish muhim emas, deb o‘ylayman. Shunchaki vaqt ajratish va sabr qilish kerak, toki hayvonlar yoningizda o‘zini qulay his qilsin”, — deydi Myunter.