2017-yilda O‘zbekistonga Rossiya nefti eksporti 68 ming tonnadan oshdi

2017-yilda O‘zbekistonga Rossiya nefti eksporti 68,2 ming tonnani tashkil qildi, deb yozadi UZ24.

Xususan, noyabrda O‘zbekistonga 30 ming tonna, dekabrda — 38,2 ming tonna neft yetkazib berilgan. Avvalroq “Transneft” rasmiy vakili Igor Demin kompaniya 2017-yil dekabrida O‘zbekistonga 50 ming tonna neft yetkazib berishni rejalashtirayotganini aytgan edi. Demin gap hozircha sinov tariqasidagi yetkazib berishlar haqida borayotganini aniqlik kiritgandi.

O‘zbekiston va Rossiya 2017-yilning 5-aprelida O‘zbekistonga 500 ming tonna Rossiya neftini yetkazish haqidagi memorandumni imzolagan edi.