Paleontologlar Yangi Zelandiyada uchar sichqonning qoldiqlarini topdi

Paleontolog olimlar Yangi Zelandiyada qirilib ketgan uchar sichqonlar suyaklarini topdi. Ular orollar hududida 16 million yil avval yashagan. Bu haqda “TASS” xabar berdi.

Yangi tur Vulcanops jennyworthyae nomini oldi. O‘lchamlariga ko‘ra, uchar sichqonning vazni hozirgi qondoshlarinikidan uch marta og‘ir bo‘lgan. Odatda, uchar sichqonlarning vazni o‘ljani qo‘lga kiritishda tezkorlik va harakatchanlik ko‘rsatish uchun juda og‘ir bo‘lmagan.

Noodatiy katta o‘lchamlar mazkur turning yagona o‘ziga xosligi emas. Bu hayvonlar nafaqat uchishi, balki yerda o‘rmalshi ham mumkin bo‘lgan. Buning uchun uning maxsus tirnoqlari bo‘lgan. Bundan tashqari, ular ancha yirik bo‘lgani sababli ko‘p vaqtini uchish emas, balki o‘rmalash bilan o‘tkazgani haqiqatga yaqin.