Sukerberg Facebook’ning yangiliklar lentasida o‘zgarishlar sodir bo‘ladi deganidan so‘ng salkam 3 milliard dollar yo‘qotdi

Facebook’ning yangiliklar lentasi algoritmi o‘zgarishi ma’lum bo‘lganidan so‘ng, ushbu ijtimoiy tarmoq asoschisi Mark Sukerbergning boyligi 2,9 milliard dollarga kamaydi. Bu haqda Bloomberg’ga tayanib, “Gazeta.ru” xabar berdi.

Ta’kidlanishicha, Facebook’da kutilayotgan o‘zgarishlar sabab kompaniya aksiyalari 3,9 foizga tushib ketgan.

Nashrning ma’lumotlariga ko‘ra, Sukerbergning boyligi hozirda 74,4 milliard dollarni tashkil etmoqda.

Avvalroq, Sukerberg ijtimoiy tarmoqning yangiliklar lentasida turli bizneslar, brend va medialarga bog‘liq postlar ko‘payib ketganligi sabab uni o‘zgartirishini ma’lum qilgandi.