Qozog‘istonda ikki yengil avtomobil to‘qnashuvida 5 kishi halok bo‘ldi

Qozog‘iston g‘arbida ikki yengil avtomobil to‘qnashuvida 5 kishi halok bo‘ldi, yana shuncha kishi yaralandi. Bu haqda “ATPress.kz” ma’lum qildi.

Avariya Atirau — Astraxan trassasida ro‘y berdi. Hyundai Accent va VAZ-21015 avtomobillari to‘qnashdi.

Hyundai haydovchisi va yo‘lovchilari (ular orasida bolalar ham bor) kasalxonaga yetkazildi.

Ikkinchi avtomobilning haydovchisi va 4 nafar yo‘lovchisi voqea joyida halok bo‘ldi.

Hodisa yuzasidan tekshiruv boshlandi.