Toshkentda ro‘y bergan YTHda ikki ayol halok bo‘ldi

14-yanvar kuni soat 20:40 da Toshkent halqa yo‘lida 1999-yili tug‘ilgan Spark avtomobili haydovchisi ikki ayolni urib ketdi. Olingan jarohatlar oqibatida ikki ayol Toshkent tibbiyot akademiyasiga olib ketilayotgan chog‘da hayotdan ko‘z yumdi, deb xabar beradi “Gazeta.uz”.

Qurbonlar 1970 va 1966-yili tug‘ilgan ayollar edi.

Huquq-tartibot idoralari xodimlarining ma’lum qilishicha, haydovchi mast emas edi, ammo uning yonida hujjatlari bo‘lmagan. Bundan tashqari, avtomobil boshqa shaxsga tegishliligi aniqlangan.

Holat yuzasidan JKning 266-moddasi 3-bandi bo‘yicha jinoyat ishi qo‘zg‘atildi.